𝐖𝐚𝐬𝐢𝐢𝐫𝐤𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝𝐚 𝐖𝐚𝐪𝐨𝐨𝐲𝐢 𝐛𝐚𝐫𝐢 𝐎𝐨 𝐥𝐚 𝐊𝐮𝐥𝐦𝐚𝐲 𝐇𝐚𝐲’𝐚𝐝𝐝𝐚 𝐐𝐚𝐝𝐚𝐫 𝐫𝐞𝐝 𝐂𝐫𝐞𝐬𝐜𝐞𝐧𝐭 𝐒𝐨𝐜𝐢𝐞𝐭𝐲 (QRCS).

Wasiirka Gargaarka iyo Maaraynta Musiibooyinka ee Dawladda Waqooyi Bari Soomaaliya 𝐄𝐧𝐠 𝐌𝐨𝐡𝐚𝐦𝐞𝐝 𝐃𝐢𝐫𝐢𝐞 𝐅𝐚𝐫𝐚𝐡 (shariif) ayaa kulan muhiim ah kula yeeshay magaalada Muqdisho hay’adda Qatar Red Crescent Society (QRCS).

Kulankan ayaa diiradda lagu saaray xoojinta iskaashiga dhinacyada gargaarka bini’aadannimo iyo sidii loo gaarsiin lahaa adeegyada muhiimka ah bulshada ku dhaqan deegaanada Waqooyi Bari Soomaaliya.

Dhinaca kale wasiir 𝐄𝐧𝐠 𝐌𝐨𝐡𝐚𝐦𝐞𝐝 𝐃𝐢𝐫𝐢𝐞 ayaa si gaar ah uga mahadceliyey hay’adda QRCS doorka muuqda ee ay ka qaadatay soo gaarsiinta deeqaha raashinka iyo taageerada ay siiso dadka nugul ee deegaanada Waqooyi bari.

Sidoo kale Hay’adda Qatar Red Crescent Society (QRCS) ayaa dhankeeda muujisay sida ay uga go’an tahay sii wadidda taageerada ay siiso shacabka Soomaaliyeed, gaar ahaan kuwa ku nool deegaanada waqooyibari ay saameeyeen abaaraha iyo barakaca,Iyadoo ballanqaaday inay sida ugu dhakhsaha badan uga howl geli doonto arimaha Qaybinta Raashinka (Food Distribution), Gaarsiinta Gargaarka (Aid Delivery), Taageerada Dadka Barakacay (Supporting Displaced People), iyo sidoo kale adeegyada Biyaha, Nadaafadda iyo Caafimaadka (WASH and Health Interventions).

Ugu dambeyn kulanka ayaa kusoo dhammaaday is-afgarad buuxa oo dhex maray labada dhinac iyadoo la isku raacay in si wadajir ah looga shaqeeyo horumarinta arrimaha gargaarka iyo maaraynta musiibooyinka iyadoo layska kaashanayo yaraynta dhibaatooyinka iyo taageerada dadka nugul.