Wasiirka 𝗘𝗻𝗴 𝗠𝗼𝗵𝗮𝗺𝗲𝗱 𝗗𝗶𝗿𝗶𝗲 𝗙𝗮𝗿𝗮𝗵 (Shariif) ayaa kulan muhiim ah la yeeshay kuxigeenka Ergayga Gaarka ah ee Xoghayaha Guud ahna isuduwaha Arrimaha Bani’aadannimada Soomaaliya 𝗠𝘂𝗱𝗮𝗻𝗲 𝗚𝗲𝗼𝗿𝗴𝗲 𝗖𝗼𝗻𝘄𝗮𝘆

𝗠𝘂𝗾𝗱𝗶𝘀𝗵𝗼 19-𝗔𝗯𝗿𝗶𝗹 2026:-Wasiirka Wasaaradda Gargaarka iyo Maareynta Musiibooyinka Dowladda Waqooyi Bari Soomaaliya 𝗘𝗻𝗴 𝗠𝗼𝗵𝗮𝗺𝗲𝗱 𝗗𝗶𝗿𝗶𝗲 𝗙𝗮𝗿𝗮𝗵 (Shariif) ayaa kulan muhiim ah la yeeshay kuxigeenka Ergayga Gaarka ah ee Xoghayaha Guud ahna isuduwaha Arrimaha Bani’aadannimada Soomaaliya 𝗠𝘂𝗱𝗮𝗻𝗲 𝗚𝗲𝗼𝗿𝗴𝗲 𝗖𝗼𝗻𝘄𝗮𝘆.

Kulankan oo ahaa mid heersare ah ayaa diiradda lagu saaray xoojinta iskaashiga u dhexeeya Wasaaradda iyo hay’adaha caalamiga ah ee ka shaqeeya arrimaha gargaarka bini’aadannimo, gaar ahaan sidii loo dardargelin lahaa gurmadka degdegga ah ee loo fidinayo bulshada ay saameeyeen abaaraha, fatahaadaha, iyo dhibaatooyinka kale ee ka dhasha isbeddelka cimilada.

Wasiirka ayaa si gaar ah u soo bandhigay xaaladaha bini’aadannimo ee ka jira deegaannada Dowladda Waqooyi Bari, isagoo tilmaamay baahida degdegga ah ee loo qabo in la kordhiyo taageerada dhinacyada raashinka, biyaha, caafimaadka, iyo hoyga. 

Sidoo kale Wasiir shariif ayaa adkeeyay muhiimadda ay leedahay in la helo iskaashi waara oo lagu xoojinayo u diyaar garowga iyo ka hortagga musiibooyinka.

Dhanka kale Ergayga Gaarka ah ee Xoghayaha Guud ahna iskuduwaha Arrimaha Bani’aadannimada Soomaaliya Mudane 𝗚𝗲𝗼𝗿𝗴𝗲 𝗖𝗼𝗻𝘄𝗮𝘆 ayaa muujiyay sida ay uga go’an tahay xafiiskiisa iyo hay’adaha uu metelo inay sii xoojiyaan taageerada ay siiyaan Dowladda Waqooyi Bari, isagoo ballan qaaday in la dardar gelin doono dadaallada wadajirka ah ee lagu gaarsiinayo gargaarka dadka nugul,isagoo si rasmi ah usheegay in Hay'adaha UN ay rasmi ah uga Hawl-gali doonnaan Deegaanada Dowlada Waqooyi Bari Soomaliya.

Ugu dambeyn 𝗹abada dhinac ayaa isku raacay in la joogteeyo wadashaqeynta, lana sameeyo qorsheyaal mideysan oo wax ku ool ah si loo yareeyo saameynta musiibooyinka, lana horumariyo nolosha bulshada ay dhibaatadu saameysay.